தமிழாலயம் பாட்சுவல்பாக்
விளையாட்டுப் போட்டியில் பங்குபற்றும் போட்டியாளர்களுக்கான போட்டி ஒழுங்கு விதிகள்
- போட்டியாளர்கள் தாம் விரும்பிய மூன்று தனிநபர் விளையாட்டுக்களில் பங்குபற்றலாம்.
- சிறந்த விளையாட்டு வீரர்களாகத் தெரிவு செய்யப்படுபவர்கள் மூன்று தனிநபர் போட்டிகளில் வெற்றிபெற்று, அவற்றில் குறைந்தது இரண்டு போட்டியில் முதலாம் இடமும், ஒரு போட்டியில் இரண்டாம் இடமும் பெற்றிருத்தல் வேண்டும்.
- போட்டிகள் நடைபெறும் நேரத்துக்குப் போட்டியாளர் வருகை தராவிடின், போட்டியில் பங்குபற்றும் வாய்ப்பை இழக்க நேரிடும்.
- தமிழாலய மாணவர்கள் தவிர்ந்த ஏனைய போட்டியாளர்கள் பிறந்த திகதியை உறுதிப்படுத்துதல் வேண்டும்.
- கயிறு இழுத்தல், அஞ்சல் ஓட்டம் போன்ற மேலதிக குழுநிலை விளையாட்டுகளுக்கான விண்ணப்பங்கள் போட்டியன்று பகல் 12:00 மணிக்கு முன்னர் மைதானத்தில் ஏற்றுக்கொள்ளப்படும்.
- போட்டியாளர்கள் தமது விண்ணப்பங்களை எமது இணையத்தளம் ஊடாக 17.06.2025இற்கு முன்னர் விண்ணப்பித்தல் வேண்டும்.
- போட்டியாளர்களுக்கான இலக்கங்கள் போட்டியன்று மைதானத்தில் காலை 9:00 மணிக்கு முன்னர் வழங்கப்படும்.
- போட்டியாளர்கள் வெண்ணிற மேற்சட்டை அணிந்து போட்டிகளில் பங்கு பற்றுதல் வேண்டும்.
- போட்டி நடைபெறும் போது நடுவர்களுடன் தர்க்கவாதம் புரிவதைத் தவிர்த்தல் வேண்டும்.
- போட்டியாளர் விளையாட்டு விதிகளுக்கமைய போட்டிகளில் பங்குபற்றி, நடுவர்களின் தீர்ப்பை ஏற்கும் உயர்ந்த பண்போடு நடந்துகொள்ளுதல் வேண்டும்.